Bahoza Peyvên Selwa Gulî û Helgurd Qeharî

 

Bahoza Peyvên Selwa Gulî û Helgurd Qeharî

Derbarey havêtina vê pêngava duwê di navbera du regezên jêk cuda da Selwa Gulî dibêjît:

Min dengê helbestvan Helgurd Qehar bi tinê bi rêka entirnêtê guhdarî kir bû ,wek kes min nas ne dikir.

lê me gelek caran li ser Facebookê  gengeşe li ser hozanê dikir û me biryar da ku em tiştekê wesa çêkeyin ku xizmeta aşiq û evîndarên vî welatî biket ,bi rêka belavkirina CD yekê.

Her di vî biwarî da Helgurd Qeharî got:

Ev CD ye bi vî rengî karekê nûye bo min û paşan bo mamusta Selwa Gulî jî, çunku eve yekemîn berheme bi şêweyê diyalêktîkî di hête tomarkirin û ez bawerim dê xizmeta edebiyat û xelkê deverê ket bi taybet texa aşiqan, çunku ev helbeste hemû helbestên eşqê ne

.

Herwesa Selwa dibêjît: 

Min ne bawere ku kiç hebin xizmeta edebyatê kirbît bi şêwazê kak Helgurdî pê kirî ku ew jî şêwazê CD ez nizanim ka hene yane?

Eve tiştekê nûye kiç û kurek pêkve helbestê bixwinin û xelk guhdarî biket mebista me dengê mê û dengê nêr di gel êk di helbestê da.

Herwesa berdewamiyê bi axiftna xwe didet û dibêjît:

Tu dizanî guhên me yên têr bûy ji take dengek û hizrekê take kesî, ji ber wê çendê ku her honermendekê sitaylek û mîtudeka taybet bi xo heye .

wekî ya xuyaye ku Helgurd helbesta cemawerî dinvîsît û Selwa Gulî helbesta nûxaz.

Ji bo pitir zengîn kirina raportê me viya dîtneka rexney li ser vî çendê wergirîn û di vî biyavî da Sebrî Silêvaney bi vê rengî got: 

Cîhana helbestê ya cudaye ji cîhanên dî, herwesa helbest bi xwe jî wek regezekê edebî yê cudaye ji hindek regezên dî wek, roman û çîrokê çunkî ewan teknîk û sitrektûr û gelek tişêtin dî hene.

ez nzanim heta kîjan radey raste kak Helgurd rêka vekirî û cemawerî ye, herwesa Selwa jî ku rêka azade, pris ewe ka rêka cemawerî û vekrî ye, yan rêka azad çi ramanê digehînît?

Em di karîn wekî dî jî bêjîn, ku Helgurd,azad û Selwa vekiriye pirs ne ewe ji ber ku qalbdana helbestvanî ye ez bawer dikem kû her du dikarn vekrî bin, herwesa her du di karin azad jî bin.

lê herdu helbestvanin û dengên xweş hene, her du jî hêjane xudan ezmûnin, hevkarî jî geleka giringe dinavbera nivêser û helbestvanî da, hez dikem bandoreka erînê peyda biken da kû bi  karn xwandevanê ektîv razî bikeyin. 

Herwesa Selwayê got: 

Min gelek cara guhdariya têksitên kak Helgudrî kirîne lê piranya wan rexna siyasî û civakî bûyne.

lê em li ser wî tiştî rêkeftîn ku em karekê evînî bo gencan bikeyin dûr ji rexna siyasî civakî.

bêguman karekê husa di navbera du kesan da ku di jêk cuda bi hest û nest û xeyalên xwe ve karekê bi sanahî nîne lê heza me bu peyiva kurdî hemî aluzî dinav bera me da rakirin.

Raste her êk ji me kirasî li gurey hizrên xwe dikete ber helbestê lê armanca me armanceka edebî ye. 

Herwesa her li ser vî babetî Helgurd dibêjît: 

Sebaret cudahiya şêwaza raste her êk ji me şêwazeke.lê bi hizra min eve negirifteka mezine bu min û ez bawerim bu mamusta Selwa yê jî. li dûmahiyê merema me her du kan ewe ku em xizmetekê bo texa aşq û evîndaran bikeyn 
.

Sebaret helbjartinê û wê pirsa me ji Selwayê kirî ka bûçî kak Helgurd sereray hebûna helbestvanên din bi şêwazê wê dinvêsîn helbijartye bu çêkirina vî şêwazê du qulî?  
Selwayê got:

Bawerya min bi kak Helgurdî hat ji ber ku tuvê helbestê di gel kak Helgurdî heye û eger kesê Helgurdî pitir li ser hest nazikya peyvên xwe kar biket dê pitir pêş kevît û peyva wî ya sade û nazik dê pitir rolê xwe bînît.

Helgurd gencekê wêreke û wêrekiya wî şîyaye cemawerekê mezin li wî kom ve biket û ez jî ya xoşhalim bi karekê husa di gel gencekê wekî wî bikem.

Her heman pirsiyar me ji kak Helgurdî kir ka bûçî Selwa ?

Helgurdî Got:

Selwa wîrek tirîn keçe min di warê edebiyatan da dîtî xwe ji ç tiştan nadete paş eger bizanît dê xizmeta helbestê ket.

Her çende ez li temenekê zûrê biçûkim beramber wê lê ew bi helbestên xwe ji min û ji zorbeya gencan genc tire.

Mêşkekê vebûy yê hey, ewa wê bawerî pê hey diket û guhdarya gotgotên xelkî naket, hez ji nûkirinê diket, naxwazît karên wê wekî yên kesê bin.

Her dîsan me ji Cutyar Temer wek mamostayê zankoyê ku çenda rewa û guncaye ev du têkelkirnên jêk cuda peyda bibît navbirî got:

Eve tiştekê bi sanahî nîne ji ber kû têksitên edebî ziman û saluxet geleka bi zehmete li ayindeyê van her du rêka di gel êk bi guncînin û guncadina her du binyatên edebî ji layê şêwazî ve, ji ber ku Helgurd bi zimanê mirovî yê kû mirov dişêt bêjît zimanekê çêkrî yan huzana çîrokî zimanê ( çîrokî ) ku jyana xelkî ya rojane hatye wergirtin beramber Selwa Gulî ku gelek hêma di hozana xwe da bikar dihînît wek regez bû niyasînê renge ev her du xale di binyatê hozana nûxaz da giringin û zimanê Helgudî  zimanekê sade û zimanê xelkî ye.

lê bi tenê Helgurdî bi rêka hozanê û zimanê xelkî hozan nivîsîne û çîrokên xelkî vegêrayne.

Ramana wî ne ewe ku hozana cemawerî ya cudaye ji her corekê dîtir, beramber vî çendê hozana Selwa Gulî şiyaye bi hêmayên nûxazyê li dûv peyda biket û guhorînî li têksitên xwe biket hêşta bo xuynerî ev wênênin xwe li pişt peyvan veşartên diyar biket.

Li dûmahyê her du helbestvanan supasiyeka taybet bo rêveberya radîoya Duhok bi giştî û Ferhad Umerî bi taybetî ji bo harîkarya wan û mandîbûna wan.

wekî ya xweya CD bi navê Bahuzek Ji Peyva bi şeş trakan pêkdihêt û her şeş trak evînî ne û bi şêwê diyalêktîkî û hevrikiyane hatîne tomarkrin.

Li nêzîk helbestek dê jê hête klîbkirin û herwesa berhem jî dê belavebît.